李彩華宣布閃婚 情路坎坷終覓佳偶

2月14日係情侶放閃嘅好機會，藝人李彩華趁情人節呢個開心好日子，喺微博公布自己嘅婚訊，佢上傳咗自己同另一伴Eric嘅Q版人物圖案利是封，並留言：「Rain + Eric = Mr & Mrs Huang 」宣布二人拉埋天窗。隨後仲要上傳一張抱著粉紅玫瑰花束嘅相，只見李彩華笑得甜蜜，又祝大家情人節快樂，真係隔住螢幕亦感受到佢嘅喜悅！

{{hket:inline-image name="_2019021415274951763.jpg"}}{{/hket:inline-image}}

（李彩華微博圖片）

{{hket:inline-image name="5ac1609egy1g05yqpc2mpj20sg11x7wh_1024.jpg"}}{{/hket:inline-image}}

（李彩華微博圖片）

{{hket:inline-image name="jj.jpg"}}{{/hket:inline-image}}

（李彩華微博圖片）

李彩華入行多年，現時於內地專心拍劇，早幾年憑國產劇《回家的誘惑》表現獲得內地觀眾讚賞，成功立下口碑，近年劇集一部接一部，內地的事業發展得意，但佢嘅情路就相當㰞坷。

{{hket:inline-image name="138095544265212013100514425214_20410.jpg"}}{{/hket:inline-image}}

（《回家的誘惑》劇照）

佢嘅情路兜兜轉轉，拍多好多次拖，曾與林峰相戀，但最後無疾而終，「當時真係puppy love，大家年紀細，再加上一起咗半年就分開啦。」又試過被從事保險業嘅舊愛王傲山「擺上枱」，無辜捲入佢同有線主播劉明軒離婚事件，王傲山指控李彩華將佢離婚一事爆嚮口，當時仲搞到李彩華嬲爆於社交媒體罵佢「無恥」。連李彩華都話自己感情運「黑仔」：「我成日聽人講翻兜，老老實實，我嘅前任一個都無可能。我遇到嘅唔係暴躁狂，就係鍾意蒲爛玩，背着我同其他女人偷食，我真係覺得咁多年，自己有啲盲，成日睇錯人。」前幾年佢與「新五虎」之一何遠恒相戀，更屢傳婚訊，但去年情人節前夕，李彩華宣布因婚姻理念不能達到共識，忍痛同何遠恒分手，受盡情傷嘅佢寄情工作，專心拍戲。

{{hket:inline-image name="5251dcde-8b0f-45aa-97ab-67c56cc348c5.jpg"}}{{/hket:inline-image}}

（李彩華微博圖片）

呢個時候Eric岀現係喺李彩華身邊，好似天使一樣，Eric喺內地經營鋼鐵生意，家族成員亦有為中央政府工作。當時彩華為接拍5億人民幣製作劇集《昆侖歸》於內地開工，期間Eric好用心追求佢，不時前往探班，給予無限支持及關懷，令當時失落難過、情緒陷入谷底嘅佢非常感動，決定答應同Eric一齊，之後二人拍拖約半年左右就準備結婚。眼見李彩華情路經歷好多不幸，而家終於得到幸福，有個照顧佢、愛錫佢嘅另一伴，真係好替佢高興！